Σ’ ουρανού την εγκάλια

Όντες εβγαίντς ση μαχαλάν Και πορπατείς ομάλια 
Η ψη μ’ πετά κι εμπαίν’ απέσ’ 
Σ’ ουρανού την εγκάλια

 Πουλόπο μ’ ας ντ’ εγνώρτσα σε Βαρέα αναστενάζω 
Κι ας σ’ έμνοστα τα χειλόπα σ’ Φίλεμαν ’κι χορτάζω

 Είδα σε και κατ’ έπαθα Σο μεσοστράτ’ θ’ εβζήνα Αχούλ’ αν είχα τρυγόνα μ’ Εσέν’ να φευ’ς ’κι εφήνα

 Άμον άστρον εφώταζες Ψηλά σον ουρανόν-ι 
Έρθες εσέβες ση στράτα μ’ Κι εχάθες το πουρνόν-ι

Μουσική: Δημήτρης Γεωργιάδης(Κιόλιαλης)
Διασκευή: Δημήτρης Κοσμίδης
 Στίχοι: Κωνσταντίνος Καρακασίδης