ΤΡΕΛΟ-ΓΙΑΝΝΗΣ

 

Ἦχος δ´. Ταχὺ προκατάλαβε.

Πιστοῖς καὶ θεόφροσι τῆς Ἐκκλησίας Χριστοῦ, Πατέρων ἡ Σύνοδος ἡ ἱερὰ καὶ σεπτή, ἡ πρώτη ἐντέλλεται, Πάσχα μὴ ἑορτάζειν, νομικοῦ ἐν ἡμέρᾳ· ὅθεν τῇ παρανόμῳ, μὴ πεισθέντες συνόδῳ, τηρήσωμεν τὰ πατρῷα, ἅπαντες θέσμια.

 

Ἦχος πλ. α´. Τὸν συνάναρχον Λόγον.

Ἑορτάσαι τὸ Πάσχα τὸ πανσεβάσμιον, ἐν νομικοῦ τῇ ἡμέρᾳ, ὑπὸ Συνόδου σεπτῆς, καὶ ἁγίας τοῖς πιστοῖς ἀπαγορεύεται· ὅθεν συνόδῳ δυσσεβεῖ, μὴ πεισθέντες ἀδελφοί, τηρήσωμεν μετὰ ζήλου, τῶν Πατέρων τὰς παραδόσεις, ἃς παρελάβομεν πρὸς δόξαν Θεοῦ. 

 

Ἦχος δ´. Ἐπεφάνης σήμερον. 

Τὰ πατρῷα θέσμια, μετ’ εὐλαβείας, ἀδελφοὶ τηρήσωμεν, καὶ τὴν Ἀνάστασιν Χριστοῦ, κανονικῶς ἑορτάσωμεν, καὶ δυσσεβούντων, τοὺς λήρους ἀπώσωμεν.

 

Ἦχος β´. Οἶκος τοῦ Ἐφραθᾶ.

 Θέσμια ἱερά, Συνόδου θεοπνεύστου, τηρήσωμεν τῆς πρώτης, καὶ Πάσχα ὀρθοδόξως, Κυρίου ἑορτάσωμεν.

 

Ἦχος δ´. Ἐπεφάνης σήμερον. 

Ὀρθοδόξων Πάσχα νῦν, οὐκ Ἰουδαίων, τὴν Χριστοῦ Ἀνάστασιν, τοῦ σταυρωθέντος δι’ ἡμᾶς, πατερικῶς ἑορτάσωμεν, ἵνα δογμάτων, ὀρθῶν μὴ ἐκπέσωμεν. 

 

Ἦχος δ´. Ἐπεφάνης σήμερον.

Ἀσεβῆ μετάθεσιν, τοῦ πασχαλίου, ἀσεβοῦς ἐκ στόματος, τὴν κηρυχθεῖσαν τοῖς πιστοῖς, θεοσεβῶς ἀποῤῥίψωμεν, καὶ τῇ Συνόδῳ, τῇ πρώτῃ στοιχήσωμεν.




 Ἦχος πλ. δ´. Ταῖς τῶν δακρύων σου ῥοαῖς.  

Τοῖς ὀρθοδόξοις καὶ πιστοῖς, ἑορτάσαι τὸ Πάσχα οὐκ ἐπιτέτραπται, ὑπὸ Συνόδου ἱερᾶς, νομικῷ σὺν τῷ Πάσχα· διόπερ ἅπαντες, συνόδου δυσσεβοῦς, τὰς γλωσσαλγίας πόῤῥῳ διώξωμεν, καὶ τὴν πίστιν τηρήσωμεν, λόγοις τῶν Πατέρων σεπτοῖς, στοιχοῦντες καὶ ἐντάλμασι

 Ιωάννης Τσιλιμιγκάκης